Папскі дэлегат у Ларэта
арцыбіскуп Джаванні Танучы лічыць, што моладзі часта не хапае рашучасці і адвагі,
каб канчаткова сказаць “так” Богу і прысвяціцца Яму назаўсёды. Менавіта таму, паводле
іерарха, падчас учарашняга візіта ў гэты санктуарый, Папа казаў аб тым, што толькі
Бог не абмяжоўвае свабоду чалавека, а робіць яе сапраўднай. “Мы бачым шмат шчодрасці
з боку моладзі ў справах звязаных з валантарыятам, у тым, каб ісці за Панам праз розныя
ініцыятывы, але толькі ў абмежаваны прамежак часу. Тое, чаго не хапае – гэта здольнасці
сказаць канчатковае “так”. Калі кажуць аб крызісе пакліканняў, гаворка ідзе пра тое,
што Пан кліча і просіць аб моцных адказах. Гэтых адказаў не хапае, таму што не хапае
волі і адвагі пагадзіцца, прысвяціць сябе назаўсёды. І Папа казаў менавіта аб гэтым:
аб неабходнасці даць адказ Богу, падобны на той, які дала Марыя ў Назарэце, і якому
засталася вернай аж да Кальварыі”, - сказаў іерарх.
Пасля візіту Бэнэдыкта
XVI у Ларэта арцыбіскуп Танучы быў вельмі ўражаны тым, як жыхары горада сустрэлі Святога
Айца. Іерарх падзяліўся, што быў асабліва крануты захаваннем вернікаў падчас св. Імшы,
якую узначаліў Папа: глыбокай цішынёй, гучнымі адказамі і адзінадушным удзелам у спевах.
“Тое, што іх захаванне было спантанным і шчырым, я зразумеў, калі Папа пакідаў плошчу:
радасць вернікаў праяўлялася асабліва ясна праз іх воклічы і апладысменты. Гэта кажа
аб тым, што папярэдняе маўчанне не было звязана з халоднасцю, але глыбокім удзелам
ў сакральных падзеях”, - сказаў іерарх.