Delegati Apostolik i Vatikanit për Kosovën, imzot Juliusz Janosz, viziton Kosovën
Delegati Apostolik i Selisë së Shenjtë për Kosovën, Nunci Apostolik, imzot Juliusz
Janosz do të vizitojë Kosovën, për të dytën herë, këtë fund jave që vjen, nga data
4 deri me 7 tetor. Pas vizitës së parë bërë Kishës katolike e Vendit, në fillim të
shtatorit të vitit të kaluar, Delegati Apostolik i Vatikanit për Kosovën kthehet për
vizituar përsëri Shtetin më të ri të Evropës. Kujtojmë se emërimi i kryeipeshkvit
diplomat të Selisë së Shenjtë, me këtë mision në Kosovë, u bë nga Papa Benedikti XVI
më datën 10 shkurt 2011. Vizita katër ditore e Delegatit Apostolik për Kosovën, imzot
Juliusz Janosz, që është Nunc Apostolik në Lubjanë, i bëhet Kishës katolike të Vendit,
por në program janë edhe takimet me krerët e bashkësive fetare të Kosovës, islame
dhe ortodokse serbe, si dhe me autoritete të larta shtetërore. Mbi domethënien dhe
programin e vizitës së Delegatit Apostolik në Kosovë, në mikrofonin e Radio Vatikanit
flet Vikari i përgjithshëm i Kishës katolike të Kosovës, don Lush Gjergji.............