Чэхія: Год веры пачнецца з беатыфікацыі мучанікаў за веру
Год веры пачнецца
з беатыфікацыі мучанікаў за веру. 13 кастрычніка ў пражскім катэдральным касцёле кардыналам
Анджэла Амата будуць узнесены да хвалы алтароў 14 францішканаў, які сталі ахвярамі
пераследу католікаў ў Чэхіі ў гады Трыдцацілетняй вайны XVII cт. Мучанікі загінулі
ў Празе ў 1611 г. Тагачасны кароль Багеміі і імператар Святой Рымскай Імперыі, Рудольф
ІІ абвясціў аб рэлігійнай свабодзе для ўсіх хрысціянскіх канфесій, акрамя каталіцкай.
Гэта выклікала сутыкненні на рэлігійнай глебе ў каралеўстве. 15 лютага 1611 г. вялікі
натоўп пратэстантаў напаў на францішканскі манастыр у Празе, у выніку чаго былі забіты
14 законнікаў. Спатрэбілася чатыры стагоддзі для таго, каб прызнаць мучаніцкі подзвіг
братоў св. Францішка і беатыфікаваць іх.