Të hënën, Papa kthehet nga Kastelgandolfo në Vatikan
Sot ishte e diela e fundit, që Papa e tha Lutjen e Engjëllit të Tënzot bashkë me besimtarët
e mbledhur në Kastel Gandolfo. Nesër pasdite, Benedikti XVI do të kthehet nga rezidenca
verore e papëve në Vatikan. Ati i Shenjtë ndodhet në zonën e Kodrave Albani pranë
Romës, që nga 3 korriku. Veprimtaria e parë e Papës, përveç audiencës së përgjithshme
të së mërkurës, në Sallën e Palit VI, në Vatikan, do të jetë shtegtimi i tij tek Zoja
e Loretos. Tradita tregon se shtëpia e Nënës së Krishtit, ku ajo u rrit me prindërit
e vet, ka ardhur mrekullisht në Loreto të Italisë, e transportuar nga engjëjt.