Ամերիկացի Յիսուսեան Պրաեան Տալէյ եւ ֆրանսացի Փիլիսոփայ Րէմի Պրակ 2012-ի ''Ռացինկերի''
Մրցանակին Արժանացան։
Ուրբաթ 28 սեպտեմբերի առաւօտեան Սուրբ Աթոռի Մամլոյ գրասենեակի ՅՊԲ-ի անուան սրահին
մէջ Ժոզէֆ Ռացինկեր - Պենետիկտոս ԺԶ հիմնարկի գիտական կոմիտէի նախագահը Կարդինալ Գամիլլօ
Րուինին եւ հիմնարկի ընդհանուր նախագահ` գերապայածառ Ճուզեփփէ Սգոթթին մամլոյ ասուլիսի
ընթացքին ներկայացուցին ''Ռացինկերի'' անուան մրցանակի 2012-ի մրացանակակիրները յանձինս
ամերիկացի Յիսուսեան Պրաեան Տալէյի եւ ֆրանսացի Փիլիսոփայ Րէմի Պրակի։ 1964էն ի վեր
յիսուսեան միաբանութեան անդամ Հայր Տալէյը, Միացեալ Նահանգներու Ինտիանա Նահանգի <<Նոթր
Տամ>> համալսարանի դասատու է։ Մինչ Րէմի Պրակ` յոյն, հրովմէական եւ արաբական փիլիսոփայութեան
մասնագէտ։ ''Ռացինկերի մրցանակը'' տուչութիւնը, որ կը համապատասխանէ ''Աստուածաբանութեան
Նոպելեան մրցանակին'' - ըսած է գերապայածառ Ճուզեփփէ Սգոթթին- պարգեւատրում է այն այր
ու կիներու որոնք իրենց հետազօտական աշխատանքով կը ջանան մարդ արարածին յոյս ներշնջել
որով կարող են զԱստուած նկատել որպէս առաջին եւ ամենամեծ ներդրումը մարդ արարածի համար։
Ռացինկեր մրցանակի 2012-ի պարգեւատրումի արարողութիւնը տեղի կ՜ունենայ Վատիկանի
Գլեմենթինա սրահին մէջ յառաջիկայ 20 հոկտեմբերին։ Նորին Սրբութիւնը մրցանակակիրներուն
անձամբ պիտի յանձնէ մրցանակը որ է մագաղաթ մը ու 50 հազար եւրոյի վճարագիր մը։