“Сацыяльныя сеткі:
дзверы праўды і веры; новыя прасторы для евангелізацыі” – так гучыць тэма Сусветнага
дня сацыяльнай камунікацыі на 2013 г. “Адным з самых значыных выклікаў для евангелізацыі
сёння з’яўляецца той, які паходзіць з лічбавага асяродзя. І на гэты выклік хоча звярнуць
увагу тэма, якую, у кантэксце Года веры, выбраў папа Бэнэдыкт XVI для 47-га Сусветнага
дня сацыяльнай камунікацыі”, - адзначаецца ў спецыяльным паведамленіі апублікаваным
29 верасня. Падкрэсліваецца, што элементы для разважання – “шматлікія і важныя”. “У
час калі тэхналогія намагаецца стаць злучальнай тканню многіх чалавечых досведаў,
такіх як адносіны і веды, неабходна спытаць саміх сябе: ці можа яна дапамагчы людзям
сустрэць Хрыста ў веры? Не дастаткова больш павярхоўнай адаптацыі мовы, але неабходна
быць здольнымі прадстаўляць Евангелле, як адказ на вечнае пытанне чалавека аб сэнсе
і веры”, - адзначаецца ў паведамленні. Звяртаецца ўвага на тое, што гаворка не ідзе
пра тое, каб выкарыстоўваць інтэрнэт як “сродак” евангелізацыі, але евангелізаваць
усведамляючы, што жыццё сучаснага чалавека выражаецца таксама ў лічбавым асяродку.
Адзначаецца, што неабходна лічыцца з тым, што развіццё і вялікая папулярнасць сацыяльных
сетак, паўплывалі на “акцэнтуалізацыю дыялогавага і інтэрактыўнага стыля камунікацыі
і адносін”.
Падкрэсліваецца, што Сусветны дзень сацыяльнай камунікацыі – адзіны
сустветны дзень устаноўлены ІІ Ватыканскім Саборам і адзначаецца ў многіх краінах
свету ў нядзелю перад Урачыстасцю Спалання Духа Святога. Спецыяльнае пасланне Папы
будзе па-традыцыі апублікавана ва ўспамін св. Францішка Сальскага, апекуна журналістаў.