Бэнэдыкт XVI развітаўся з супрацоўнікамі Кастэль Гандольфа
29 верасня Бэнэдыкт
XVI развітаўся з супрацоўнікамі сваёй рэзідэнцыі ў Кастэль Гандольфа. Ён адзначыў,
што за час праведзены тут меў магчымасць для вучобы, малітвы і адпачынку, а таксама
пазнаў клопат і гасціннасць людзей якія тут працуюць. Папа падкрэсліў, што на летні
перыяд Кастэль Гандольфа “зацвярджаецца ў якасці “другой сядзібы” Біскупа Рыма, якая
спаборнічае з “першай” у здольнасці прымаць наведвальнікаў і пілігрымаў, што прыбываюць
на нядзельны “Анёл Панскі” ці на агульныя аўдыенцыі па серадах”. Папа развітаўся з
месцовым духавенствам, манаскімі супольнасцямі і групамі свецкіх, прысутнымі на тэрыторыі
Кастэль Гандольфа. Святы Айцец падзякаваў ім і папрасіў працягваць патрымліваць яго
духоўна, як гэта было падчас летняга адпачынку. Святы Айцец таксама падзякаваў мясцовым
уладам, і жыхарам Кастэль Гандольфа, корпусу Ватыканскай жандармерыі, садоўнікам,
медыцынскай службе, Швейцарскай гвардыі, супрацоўнікам Службы Бяспекі і афіцэрам і
лётчыкам 31-га корпуса ваенна-паветраных сіл Італіі.
Яшчэ 28 верасня Папа развітаўся
з супрацоўнікамі Папскіх віл. “Дарагія сябры, усё мінае ў гэтым свеце! Кожная рэч,
якая пачынаецца, нават калі з’яўляецца пазітыўнай і найбольш прыгожай, нясе ў сябе,
непазбежна нясе ў сябе, уласнае заканчэнне”, – адзначыў Святы Айцец. Ён падзякаваў
ім за “шчодрае служэнне” і “ціхі і спакойны час”, праведзены у “сямейнай атмасферы”.
“Месяц
верасень, які амаль застаўся ў нас за спіной, гэта заўсёды час станоўчага аднаўлення,
пасля летняга адпачынку”: для дзяцей пачынаецца школа, дарослыя пачынаюць працу. “Таксама
ў Касцёле, для многіх хрысціянскіх супольнасцяў раскіданых па свеце, тое, што Бог
Айцец дарыць – гэта час новага душпастырскага года: ужо “зусім блізка некаторыя вельмі
значная падзеі”, - сказаў Бэнэдыкт XVI. Ён узгадаў аб сваёй хуткай пілігрымцы ў Ларэта,
адкрыцці Сінода Біскупаў па новай евангелізацыі і пачатку Года веры.