Նախագահ Սերժ Սարգսեան Կ՝ընդունի՝ Կարտինալ Գուրթ Գոխը։
Նախագահ Սերժ Սարգսեան այսօր ընդունած է Քրիստոնեաներու Միութեան Զարգացումի Քահանայապետական
Խորհուրդի նախագահ Կարտինալ Գուրթ Գոխը: (Այս մասին յայտնած է ՀՀ Նախագահի Մամլոյ
Գրասենեակը) : Նախագահ Սարգիսեան ողջունած է Կարտինալի այցը Հայաստան նկատելով
այդ՝ Հայաստանի և Սուրբ Աթոռի միջև յարաբերութիւններու ամրապնդման ու զարգացման լաւագոյն
վկայութիւններէն մին: «Որպէս քրիստոնէութիւնը աշխարհի մէջ Պետականօրէն ընդունած
առաջին Երկիր՝ Հայաստանի համար Վատիկանի հետ յարաբերութիւնները մեծ կարևորութիւն և նշանակութիւն
ունին: Ես հաճոյքով կը վերհիշեմ անցեալ տարուայ դեկտեմբերին Պենետիկտոս ԺԶ Նորին
Սրբութեան հետ կայացած իմ հանդիպումը Վատիկան , որու ընթացքին քննարկեցինք Հայաստանի
և Վատիկանի միջև յարաբերութիւններու զարգացման օրակարգը: Երկկողմ պատմական կապերը
ու առնչութիւնները , հարուստ մշակութային և հոգևոր ժառանգութիւնը , արժեհամակարգի ընդհանրութիւնները
մեզ կը ստիպեն մեր յարաբերութիւնները մշտապես պահել բարձր մակարդակի վրայ և հնարաւորին
խորացնել»( ըսած է Նախագահ Սերժ Սարգսեան): Հանրապետութեան նախագահը ընդգծած է, որ
շատ լաւ յարաբերութիւններ ձևաւորուած են նաև Մայր Աթոռ Սուրբ Էջմիածնի և Սուրբ Աթոռի
միջև, որը միանգամայն բնական է՝ նկատի առնելով երկու Եկեղեցիները կապող քրիստոնէական
արժեհամակարգը ու գաղափարախօսութիւնը :
Իսկ Կարտինալ Գոխ ուրախութեամբ ըսած
է , որ Հայաստանը՝ որպէս հարուստ պատմութիւն , լուրջ քրիստոնէական աւանդութիւններ ունեցող
երկիր, կը պահպանէ այդ աւանդոյթները ու կը զարգացնէ : Ան նշած է որ Կաթողիկէ
Եկեղեցւոյ առաքելութիւնն է խրախուսել խաղաղութեան պահպանումը, զարգացնել երկխօսութիւնը
ու համագործակցութիւնը բոլոր ժողովուրդներու և կրօններու միջև, որը աշխարհի մէջ
խաղաղութեան հաստատման առաջին նախապայմանն է: Հանրապետութան ղեկավարը մեծապէս կարևորած
է Վատիկանի դերը ոչ միայն աշխարհի մէջ խաղաղութեան պահպանման, մարդու իրաւունքներու
և հանդուրժողականութեան հաստատման, այլ նաև քրիստոնէական աշխարհի համախմբման դաշտէն
ներս ալ։