Filloi treditëshi kremtimeve jubilare të 950-vjetorit të dioqezës së Sapës.
Filluan sot kremtimet treditore të Jubileut të 950-vjetorit të themelimit të dioqezës
së lashtë shqiptare të Sapës 1062 - 2012. Me lutjen e Mbrëmësores kremtuar
në Kishën Katedrale të së Lumes Nënë Terezë në Vau-Dejës, kryesuar nga Delegati Papnor,
kardinali Santos Abril y Castelló, në bashkëkremtim me ipeshkvin vendor imzot Avgustini,
me pjesëmarrje të klerit dioqezan, të rregulltarëve e rregulltareve si dhe të popullit
të Zotit, bashkësia kishtare dioqezane e Sapës hapi solemnisht kremtimet Jubilare.
Ndërsa sot paradite në Tiranë, i Delegati Papnor, kardinali Santos Abril pat takime
me autoritete të larta shtetërore të Shqipërisë, e pasdite hirësia e tij takoi edhe
autoritetet e pushtetit vendor në Vau-Dejës. Po t’i kthehemi treditëshit të kremtimeve
jubilare e nga Vau-Dejës. Vizita e kardinali Santos Abryl y Castello në
dioqezën e Sapës. Dioqeza e Sapës, me në krye Bariun e saj, imzot Lucjan Avgustinin,
falenderon Dioqeza e Sapës, me në krye Bariun e saj, imzot Lucjan Avgustinin,
falenderon Hyjin për këtë 950 vjetor të themelimit të saj dhe i është mirënjohës Atit
të Shenjtë, Papës Benedikti XVI për dashurinë dhe kujdesin e shfaqur, i cili deshi
që nëpërmjet të Dërguarit të tij special, kardinalit Santos Abril y Castello të jetë
i pranishëm në këtë ngjarje me rëndësi për Kishën dhe popullin shqiptar. Nisur nga
kjo, Dioqeza e Sapës filloi sot (27.09.2012) kremtimin e treditëshit Jubilar me rastin
e 950 vjetorit. I Deleguari i Atit të Shenjtë, Hirësia e Tij, kardinal Santos Abril
y Castello, ashtu siç e ka zakon shqiptari është pritur nga i zoti i shtëpisë, Shkëlqesia
e Tij, imzot Lucjan Avgustini. Vizita e Kardinalit në territorin e Sapës ka filluar
me një takim miqësor me autoritetet e pushtetit lokal në Bashkinë e Vau-Dejësit, ndërsa
më pas i gjithë kleri dioqezan i Sapës është mbledhur në Katedralen e Lumja Nënë Tereza
në Vau-Dejës ku së bashku me kardinalin Castellon dhe ipeshkëvin e tyre kanë lutur
mbrëmësoren. Menjëherë pas lutjes është bërë edhe bekimi i Kuries së re Ipeshkvore
të dioqezës së Sapës. Të ndjekim shërbimin e bashkëpunëtores Violeta Marashi.........