5-6 кастрычніка ў
Асізі пройдзе чарговы этап ініцыятывы Папскай рады па культуры “Падворак язычнікаў”.
Горад св. Францішка стане месцам, дзе веруючыя і няверуючыя разам будуць разважаць
на тэму: “Бог, гэты невядомы”. Гэта падзея адбудзецца напярэдадні Года веры, які па
ініцыятве Бэнэдыкта ХVI пачнецца ў Касцёле 11 кастрычніка. Праграма сустрэчы ў Асізі
вельмі насычаная. Прадугледжаны 9 сустрэч у розных месцах горада, падчас якіх будуць
абмяркоўвывацца розныя тэмы: кліч бедных і кліч зямлі, праца, міжрэлігійны і міжкультурны
дыялог, моладзь і адносіны паміж мастацтвам і сакральнасцю. У мерапрыемстве прымуць
удзел 40 дакладчыкаў, шматлікія прадстаўнікі свету культуры і эканомікі, а таксама
вядомыя журналісты.
Упершыню паралельна з “Падворкам язычнікаў” у Асізі пройдуць
два іншыя мерапрыемствы, якія таксама з’яўляюцца часткамі ініцыятывы Папскай рады
па культуры: “Падворак дзяцей” і “Падворак аповедаў”. Дыскусіі і мерапрыемствы, якія
пройдуць у рамках форума будуць трансліравацца па італьянскі нацыянальным тэлебачанні
“RAI” і на хвалях Ватыканскага радыё.