Бэнэдыкт XVI атрымаў
у падарункак вінаградную лазу. Яна будзе пасаджана на тэрыторыі Папскіх фермаў і магчыма
ўжо ў наступным годдзе прынясе першыя плёны – вінаград, з якога будзе зроблена імшальнае
ці сталовае віно. Аб гэтым у інтэрв’ю нашаму радыё расказаў а. Рэната Джальяноне,
касцёльны кансультант асацыяцыі італьянскіх фермераў “Coldiretti”. Члены гэтага аб’яднання
сабраліся у Кастэль-Гандольфа з нагоды Дня абароны стварэння, які адзначаецца на працягу
верасня па ініцыятыве Канферэнцыі Біскупаў Італіі. 23 верасня яны прынялі ўдзел у
“Анёле Панскім” разам са Святым Айцом. Пасля малітвы фермеры ўручылі Пантыфіку свой
падарунак. Айцец Джальяноне расказаў, што сустрэчы паміж Бэнэдыктам XVI і членамі
“Coldiretti” адбываюцца ўжо не ўпершыню і фермеры ніколі не прыходзяць з пустымі рукамі.
Напрыклад у мінулым годзе яны падаравалі Папе ўлей. Ён быў устаноўлены на тэрыторыі
Папскіх фермаў, а пчолы, якія ў ім жывуць, ужо прыносяць мёд.
“Папскія фермы
былі створаны пры Піе XІ. Тут вырабляецца шмат розных прадуктаў і яны заўсёды якасныя.
Акрамя таго, тут наладжана вытворчасць біялагічных прадуктаў прызначаных для захавання
добрага стану зямлі. На Папскіх фермах спрабуюць паказаць, што значыць апрацоўваць
і клапаціцца аб зямлі, а таксама здабываць плёны, паводле Божага плану. Ён даверыў
зямлю чалавеку зямлю для гэтай мэты, а не для насілля над ёй ці выкарыстання паводле
ўласнага густу або эгаістычных жаданняў. Папскія фермы, па сутнасці, хочуць быць прыкладам
на гэтай тэрыторыі – вырабляць прадукты і быць разам з тымі, хто клапоцціца і бароніць
зямлю”, - адзначыў святар.
Айцец Джальяноне адзначыў, што часта ў імя “зялёнай
эканомікі” зямля, якая павінна прыносіць плёны не апрацоўваецца і пакідаецца бесплоднай.
Гэта на яго думку неправільна, асабліва з улікам таго, колькі людзей у свеце патрабуюць
ежы.