23 верасня Касцёл
у дзесяты раз святкуе літургічны ўспамін св. Піо з П’етрэльчыны. З гэтай нагоды ў
Сан Джаванні Ратонда, месцы дзе на працягу доўгіх гадоў жыў і працаваў святы, адбылося
начное малітоўнае чуванне. У ім прынялі удзел каля 40 тыс. вернікаў, а таксама законнікі
з Ордэну Меншых Братоў Капуцынаў з розных частак свету, у тым ліку з Беларусі. Узначаліў
начныя набажэнствы кардынал Каміла Руіні, былы старшыня Канферэнцыі Біскупаў Італіі.
Аб значэнні ўспаміну расказаў у інтэрв’ю нашаму радыё а. Лучана Лоцці, капуцын, даследчык
асобы а. Піо і галоўны рэдактар навуковага часопіса прысвечанага гэтаму італьянскаму
святому. Айцец Лоцці адзначыў, што праз 10 гадоў пасля кананізацыі а. Піо, энтузіазм
вернікаў і вера не паменшаюцца, але наадварот становяцца больш сталымі і глыбокімі.
“Я хачу сказаць, што многа змянілася ў шанаванні а. Піо. Прайшло захапленне цудамі,
якое хоць і звязана з шанаваннем святых, але часам здаецца празмерным, і зараз гаворка
ідзе пра больш сталую веру. Сёння, асабліва ў тым сацыяльным і эканамічным кантэксце,
у якім мы жывем, а. Піо з’яўляецца чалавекам надзеі, чалавекам, які можа пераканаць
у тым, што з дапамогай Бога магчыма перамагчы самыя цяжкія буры”, - адзначыў капуцын.
Аб
вялікай пашане да св. Піо сведчыць вялікая колькаць пілігрымаў, якія прыбылі ў Сан
Джаванні Ратонда, яшчэ за некалькі дзён да ўрачыстасці. “Ужо на працягу некалькі дзён
у гатэлях немагчыма знайсці месца”, - сказаў капуцын. Паводле яго, гэты невялікі правінцыйны
італьянскі гарадок, хоць і не быў месцаў нараджэння а. Піо, аднак стал месцам, куды
людзі прыязджаюць паразважаць, пабыць у цішыні, памаліцца і чэрпаць з духоўнай спадчыны
святога.