22 верасня ў французскім
горадзе Труа да хвалы алтароў будзе паднесены кс.Луі Брысон, які жыў на мяжы ХІХ-ХХ
ст. Св. беатыфікацыйную Імшу ўзначаліць кардынал Анджэла Амата, прэфект Кангрэгацыі
па справах Кананізацыі. У інтэрв’ю нашаму радыё іерарх распавёў аб жыццёвым шляху
новага бласлаўлёнага. Ён адзначыў, што Луі Брысон нарадзіўся ў 1817 г. у сям’і купцоў
і ў14 гадоў уступіў у духоўную семінарыю. “Святарскае пасвячэнне атрымаў ў 1840 г.
і быў прызначаны спаведнікам і капэланам для законніц- візітак. Гэта дазволіла яму
пазнаёміцца з духоўнасцю св. Францішка Сальскага”, -расказаў кіраўнік ватыканскай
дыкастэрыі. Ён дадаў, што новы благаслаўлёны заснаваў у той час многа інтэрнатаў для
маладых рабочых, якія працавалі ў Труа.
“У 1866 г. абат Брысон атрымаў пад
апеку дзьвюх былых вучаніц школы, якой кіравалі візіткі: Леан Авіят, якая была кананізавана
ў 2001 г., і Лусі Канет. Такім чынам склалася першая супольнась Аблатаў св. Францішка
Сальскага, кангрэгацыі, якую зацьвердзіў Леў ХІІІ 4 сакавіка 1890 г. Кс. Брысон заснаваў
таксама і мужчынскую кангрэгацыю св. Францішка Сальскага. Пад кіраўніцтвам гэтага
благаслаўлёнага дзейнасць гэтых двзюх кангрэгацый хутка развівалася. Яны засноўвалі
школы, інтэрнаты, каледжы, вялі дабрачынную дзейнасць і місіі ad gentes”, - сказаў
кардынал Амата.
Іерарх адзначыў, што ў той перыяд пачаліся рэлігійныя пераследаванні
ў Францыі. У 1903 г. аблаты былі прымушаны пакінуць манастыр і эміграваць, аднак Брысон
з-за свайго сталага ўзросту не мог пакінуць краіну і вярнуўся да свайго роднага дома
ў Плансі. Новы бласлаўлёны памёр у 1908 г. “У той самы дзень былі выстаўлены на аўкцыён
яго дом, мебля і нават ложак. Але гэта не было ў стане разбурыць яго рэпутацыю святасці,
якая наадварот, станавілася усё больш жывой ў сэрцах і душах яго духоўных дочак і
сыноў”, - сказаў кардынал Амата.