Հայրենիքի Անկախութիւնը Տօնն է՝ Համայն Հայութեան ։ Հանրապետութեան Բարձրագոյն
Ղեկավարութիւնը Կ՝այցելէ «Եռաբլուր» Պանթէոնը։ Հիլարի Քլինթոն Կը ՇՆորհաւորէ Հայաստանը
Օպամայի ու ԱՄՆ-ի ժողովուրդի Անունով։ ՀՀ Նախագահ Սերժ Սարգսեանը, Հայաստանի
Հանրապետութեան Անկախութեան 21-րդ տարեդարձի առթիւ, Ն.Ս.Օ.Տ.Տ. Ամենայն Հայոց Կաթողիկոս
Գարեգին Երկրորդի, Լեռնային Ղարաբաղի Հանրապետութեան նախագահ Բակօ Սահակեանի և ՀՀ բարձրագոյն
ղեկավարութեան ուղեկցութեամբ այցելց «Եռաբլուր» զինուորական Պանթէոն, յարգանքի տուրք
մատուցելու՝ իրենց կեանքը Հայրենիքի Անկախութեան համար զոհաբերած Հայորդիներու Յիշատակին։
Իսկ ԱՄՆ պետ-քարտուղար Հիլարի Քլինթըն Հայաստանի Անկախութեան 21-րդ տարեդարձի առթիւ
շնորհաւորական ուղերձ յղած է ԱՄՆ նախագահ Պարաք Օպամայի և ԱՄՆ ժողովուրդի անունով :
Ինչպէս կը հաղորդէ -ը, ուղերձին մէջ մասնաւորապէս կ՝ըսուի: «Պատիւն ունիմ յղելու
իմ լաւագոյն մաղթանքները Հայաստանի ժողովուրդին, Սեպտեմբեր 21-ի` ձեր Անկախութեան Տօնի
առթիւ: Ասիկա յատուկ առիթ է պատուելու Հայաստանի Ժողովուրդի և ողջ հայութեան ձեռքբերումները:
ԱՄՆ-ու մէջ , ամերկահայերը հարստացուցած են մեր երկրի գոյանիւթը , առաւել ամրացուցած՝
մեր երկու պետութիւններու միջև բարեկամութեան երկարամեայ կապերը: Ես հնարաւորութիւն
ունեցայ անգամ մը եւս զգալու հայ ժողովուրդի ջերմ հիւրընկալութիւնը Յունիսին, Երևան
կատարած իմ այցի ընթացքին։ Ինչպէս որ այդ անգամ նշած էի, Ամերիկան Հայաստանին օգնելու
յանձնառութիւն ունի` ժողովրդավարական հաստատութիւնները ամրապնդելու, տնտեսական բարեփոխումները
խորացնելու և աւելի խաղաղ ու բարեկեցիկ ապագայ կերտելու ուղղութիւններով », (կը կարդանք
Տիկին Քլինթընի ուղերձին մէջ)։ Ամերիկայի Պետ-քարտուղարը կը վստահեցնէ հայութիւնը,
որ ԱՄՆ-ը Հայաստանի բարեկամը ու գործընկերն է և կը մաղթէ նորանոր յաջողութիւններ
: