Францыя: хрысціяне і мусульмане асудзілі публікацыю правакацыйных карыкатур
Хрысціянскія і мусульманскія
лідэры асудзілі публікацыю правакацыйных выяваў прарока Мухамеда ў адным з французскіх
сатырычных часопісаў.У адказ на павялічэнне напружанасці сітуацыі ў Францыі, выкліканай
змяшчэннем карыкатур біскуп Мішэль Дзюбост, старшыня Рады па міжрэлігійным адносінам
пры епіскапаце краіны і Мухамед Мусо, старшыня Рады французскіх мусульман, напісалі
сумесны зварот. У ім прадстаўнікі хрысціянскай і мусульманскай супольнасцяў заклікалі
французаў памятаць, што “свабода сустракаецца з пагрозай, калі забываецца аб прынцыпе
братэрства і павазе да аднолькавай годнасці кожнага”. “Французская рэспубліка мае
ў сваім дэвізе словы: свабода, роўнасць, братэрства. Мы абараняем свабоду, і асабліва
падтрымліваем свабоду думкі, згодна з законамі”. Але “перад абліччам нападаў, падзелаў,
карыкатур, прадузятых фільмаў і рэпартажаў, пагардлівых і правакуючых насілле, мы
не можам не звярнуцца да сумлення і адказнасці ўсіх: Францыя, што ты робіш, каб паважаць
іншых? Што робіш для братэрства? Мы хочам жыць разам. Так будзем рабіць усё магчымае
для гэтага!”, - напісалі рэлігійныя лідэры.