Польшча: міжнародная моладзевая сустрэча ў Асвенцыме
20 верасня, у польскім
Асвенцыме, пачалася трохдзённая міжнародная сустрэча на тэму “Маладыя еўрапейцы за
свет без насілля”. У рамках мерапрыемства, арганізаванага экуменічнай “Супольнасцю
св. Ігідзія”, маладыя людзі з краін Усходняй Еўропы паразважаюць аб міры, у сімвалічным
для ХХ ст. месцы - канцэнтрацыйным лагеры “Аўшвіц-Біркенаў”. Адсюль яны скіруюць зварот
да ўсяго свету, каб спыніць насілле ў свеце. У інтэрв’ю нашаму радыё, прэс-сакратар
“Супольнасці св. Ігідзія” Марыё Марацыцы, расказаў, што гэта пілігрымка арганізавана
для моладзі з краін Усходняй Еўропы, каб пазнаёміць яе з гісторыяй пакутаў яўрэйскага
народа ў гэтай частцы кантынента. “На працягу апошніх гадоў распаўсюдзіліся антысеміцкія
настроі ў краінах Усходняй Еўропы, у якіх менш чым ў краінах Захаду звярталася ўвага
на знішчэнне яўрэяў, праблему неталерантнасці і няздольнасці жыцць супольна” , - адзначыў
Марыё Марацыцы.
Ён падкрэсліў, што ў многіх краінах сучасны эканамічны крызіс
стаў прычынай павялічэння дыскрымінацый у дачыненні да этнічных меншасцяў. “У мінулым
ва ўсіх бедах абвінавачваліся яўрэі. Сёння, гэта часта пераносіцца на эмігрантаў.
Але вядома, што гэта канкрэтная праблема, якой з’яўляецца антысемізм, не знікла ў
краінах Усходняй Еўропы. Існуюць цэлыя палітычныя класы, палітычная лідэры, якія сёння
груба выкарыстоўваюць такога роду аргументы. Гэту тэндэнцыю змяніць немагчыма”, -
сказаў ппрадстаўнік Марацыцы. .
На думку прадстаўніка “Супольнасці св. Ігідзія”
сустрэча ў Асвенцыме павінна паспрыяць не толькі сталаму непрыняццю антысемізма, але
таксама мірнаму супольнаму жыццю паміж прадстаўнікамі розных этнічных груп у Еўропе.
“Мы ўсе розныя, але ўсе роўныя. Адметнасці – гэта не прычына для сутыкненяў, але,
нагода, каб жыць разам”, - сказаў Марыё Мараціні.