18 സെപ്തംബര് 2012, വത്തിക്കാന് ബെനഡിക്ട് പതിനാറാമന് മാര്പാപ്പ മെത്രാന്മാരുടെ
സിനഡിന്റെ 13ാം സാധാരണ പൊതുസമ്മേളനത്തിലേക്ക് നാമനിര്ദേശം ചെയ്ത അംഗങ്ങളുടെ പേരുവിവരം
സെപ്തംബര് 18ാം തിയതി ചൊവ്വാഴ്ച പരിശുദ്ധ സിംഹാസനം പ്രസിദ്ധീകരിച്ചു. ലോകമെമ്പാടും നിന്നുള്ള
12 കര്ദിനാള്മാരേയും 12 മെത്രാപ്പോലീത്താമാരേയും 8 മെത്രാന്മാരേയും 4 വൈദികരേയുമാണ്
മാര്പാപ്പ നാമനിര്ദേശം ചെയ്തത്. ഇന്ത്യയില് നിന്നും ദേശീയ കത്തോലിക്കാ മെത്രാന്മാരുടെ
സമിതിയുടെ (സി.ബി.സി.ഐ) അദ്ധ്യക്ഷനും ഏഷ്യന് മെത്രാന്മാരുടെ സംയുക്ത സമിതിയുടെ ജനറല്
സെക്രട്ടറിയുമായ കര്ദിനാള് ഓസ്വാള്ഡ് ഗ്രേഷ്യസ്, അമലോത്ഭവ മാതാവിന്റെ കര്മലീത്താ
സഭയുടെ (Carmelites of Mary Immaculate- C.M.I) പ്രയോര് ജനറല് ഫാ. ജോസ് പന്തപ്ലാംതൊട്ടിയില്
എന്നിവരെയാണ് മാര്പാപ്പ നാമനിര്ദേശം ചെയ്തിരിക്കുന്നത്. സി.എം.ഐ ‘നവസുവിശേഷവല്ക്കരണം
ക്രൈസ്തവ വിശ്വാസത്തിന്റെ പ്രചരണത്തിന്’ എന്നതാണ് ഒക്ടോബര് 7 മുതല് 28വരെ വത്തിക്കാനില്
നടക്കുന്ന സിനഡു സമ്മേളനത്തിന്റെ മുഖ്യചിന്താവിഷയം.