Еўрапейскі агляд: Што можа сказаць еўрапейцам апошняя адгартацыя Папы?
Апостальскае падарожжа
Бэнэдыкта XVI у Ліван (14-16 верасня 2012 г.), сярод многіх сваіх вымярэнняў, асаблівым
чынам стала магчымасцю для сустрэчы і ўзаемадзеяння паміж рознымі культурамі, традыцыямі,
канфесіямі і рэлігіямі. Адзін з яго шматлікіх плёнаў – гэта дакумент, які Папа перадаў
мясцоваму Касцёлу. Апостальская адгартацыя “Касцёл на Блізкім Усходзе” з’яўляецца
спробай прымірыць і злучыць разам многія складаныя гістарычныя і рэлігійныя працэсы:
на гэтай зямлі, канцэнтруюцца праблемы, якія ўключаюць у сябе увесь сучасны свет,
у тым ліку Еўропу. Блізкі Усход – гэта зямля, якая дала пачатак многім вялікім монатэістычным
рэлігіям. Для ўсяго чалавецтва, і асабліва для нас хрысціян, гэта зямля Бога Збаўцы,
зямля Езуса з Назарэта. Таму можа кажучы аб Касцёле на Блізкім Усходзе, Святы Айцец
жадаў адлюстраваць сітуацыю і жыхароў Старога Кантынента?
Дакумент Папы можна
чытаць і аналізаваць праз розныя прызмы. Тое, што ў ім, аднак, дамінуе – гэта заклік,
які часам становіцца воклічам, што набывае выключнае значэнне для Блізкага Усходу.
Тут сустракаюцца прысутнасць і дзейнасць трох монатэістычных рэлігій. У гэтай зямлі
адчуваецца асаблівым чынам голас малітваў розных галін падзеленага хрысіцянства. Тут
таксама цэлебруюць свае літургіі, у розных абрадах, Каталіцкія Усходнія Цэрквы паяднаныя
з наступнікам св. Пятра, захоўваючы свае традыцыі і асаблівасці. Платформаў і магчымасцяў
для дыялога тут шмат. Аб гэтым сведчаць балючыя, часам вельмі крывавыя моманты гісторыі
гэтага рэгіёна. Гісторыі, у якой запісаны падзеі нашай эпохі, апошніх гадоў, месяцаў
і дзён, звязаных з унутранымі падзеламі ў ісламе, інструменталізацыі рэлігійнага фундаменталізма
для палітычных мэтаў, тэрарызмам, гандлем наркотыкамі, палітычнымі і эканамічнымі
інтэрэсамі розных краін кантынента.
Кажучы аб міжрэлігійным дыялогу Папа падкрсэліваў,
што ў перспектыве Блізкага Усходу ён абумоўлены практычнымі палітычнымі і сацыяльнымі
інтэрэсамі, але перш за ўсё пабудаваны на тэалагічных фундаментах заснаваных на веры.
Вера робіць чалавека упэўненым у існаванні Бога, у яго дабрыні і любові. Таму вера,
незалежна ад рэлігійнай прыналежнасці, робіць чалавека здольным адкрыцца на дабро
і праўду, якімі кожны можа авалодаць, нават калі верыць іншым чынам.
У Еўропе
шмат гаворыцца аб дыялогу. Адначасова шмат гаворыцца аб свабодзе ў розных яе аспектах.
Таму што дыялог неразрыўна звязаны са свабодай. І магчыма, менавіта ў святле новай
адгартацыі Папы жыхары Еўропы чарговы раз павінны задумацца аб значэнні дыялога. На
Блізкім Усходзе, дзе не толькі пастанна нехапае міра і стабільнасці, але і для веруючых
у Хрыста знаходзяцца пад пагрозай неабходныя для выжывання ўмовы. Тут яны сустракаюцца
з моцнымі выпрабаваннямі сваёй ідэнтычнасці, нягледзячы на тое, што з’яўляюцца меншасцю
і падвержаны пераследам і дыскрымінацыям. Дзякуючы веры, якая не толькі дае аснову
для тэалагічных дэбатаў, але перш за ўсё дае сілу для крэатыўнага жыцця ў шматкультурнай
супольнасці, заклік хрысціян да дыялога і свабоды здаецца мае вельмі моцны фундамент.
У
такой атмасферы Папа просіць аб павазе да рэлігійнай свабоды, канцы насілля, дыскрымінацый
і нянавісці. Нагадваючы аб навучанні ІІ Ватыканскага Сабора, ён піша, што рэлігійная
свабода – гэта кульміначыя кожнай свабоды. Гэта святое і неад’емнае права, якое павінна
захоўвацца на індывідуальным і камунітарным узроўнях. У рэлігіі і адпраўленні культа,
свабода наследуе голас сумлення, дазваляючы кожнаму выбраць тую рэлігію, якую ён лічыць
сапраўднай і даючы магчымасць публічна выражаць сваю веру. Павінна існаваць магчымасць
свабоднага веравызнання, ужывання рэлігійных сімвалаў без рызыкі для жыцця і асабістай
свабоды.
Магчыма гэта, адна з думак, якую Бэнэдыкт XVI хоча таксама перадаць
Еўропе. Бо яна парадаксальна, у імя свабоды, сучаснасці і палітычнай карэктнасці,
пастанна спрыяе пэўнай мадэлі антыхрысціянскіх паводзін, і з асаблівай эфектыўнасці
аддаляецца ад рэлігійных каранёў на якіх заснавана. Магчыма Еўропа верыць, што без
веры і без тэалагічных фундаментаў, магчыма пабудаваць на гэтай зямлі трывалы дылог,
мір і дабрабыт. Канешне мы можам уявіць, што гэты кантынент, на якім касцёлы пераўтвараюцца
ў галерэі мастацтва і спартовыя залы, кантынент на якім забараняецца публічнае дэмантрацыя
крыжоў, кантынент без старажытных каштоўнасцяў, якія бароняць сужэнства і сям’ю, кантынент
на якім засталася невялікая група хрысціян, якія хаваюцца ад свету ў пэўнага тыпу
сучаснай катакомбе. Ці застанецца гэта зямля той, у якой чалавек будзе ўзрастаць у
сваёй паўнаце? Ці будзе гэта яшчэ Еўропа?