Апостальская Сталіца прыме ўдзел у Днях еўрапейскай спадчыны
Апостальская Сталіца
прыме ўдзел у святкаванні ХХVI Дзён еўрапейскай спадчыны, якія традыцыйна адзначаюцца
ў розных краінах Еўропы на працягу верасня ці пачатку кастрычніка. Гэта мерапрыемства
праводзіцца па ініцыятыве Рады Еўропы з 1991 г. з мэтай спрыяць дыялогу і культурнаму
абмену паміж краінамі кантынента і знаёмству грамадскасці з іх культурнай спадчынай.
У святкаванні Дзён еўрапейскай спадчыны кожны год прымае ўдзел каля 50 краін Еўропы.
Паводле традыцыі, у гэтыя дні еўрапейскія дзяржаўныя музеі бесплатна адкрываюць свае
дзверы для наведвальнікаў.
Апостальская Сталіца прапанавала ў гэтым годзе культурную
праграму на нядзелю 30 верасня. Яе тэма гучыць: “Выявы веры ў еўрапейскай спадчыне”.
У распрацоўцы праграмы прынялі ўдзел Папская камісія па культурнай спадчыне Касцёла
і Ватыканскія музеі. У яе рамках, на працягу ўсяго дня, у наведвальнікаў будзе магчымасць
бесплатна пазнаёміцца з экспазіцыяй Ватыканскіх музеяў.