Святы Айцец падпісаў адгартацыю “Касцёл на Блізкім Усходзе”
Вечарам, каля 18.00
Святы Айцец накіраваўся ў грэка-мельхіцкую базыліку св. Паўла ў прадмесці Бейрута
Харысе. Тут яго сустрэў Патрыярх Грыгорый ІІІ, прэзідэнт Лівана Мішэль Сулейман, Патрыярхі
і біскупы, а таксама прадстаўнікі праваслаўнай, мусульманскай і друскай дэлегацый.
Папа звярнуўся да прысутных з кароткай прамовай, а затым урачыста падпісаў Апостальскую
адгартацыю “Касцёл на Блізкім Усходзе” – дакумент у якім акрэслены асноўныя накірункі
дзейнасці каталіцкай супольнасці ў гэтым рэгіёне на бліжэйшыя гады. Звяртаючыся да
сабраных Папа падкрэсліў, што падпісвае адгартацыю ў свята Узвышэння Крыжа, устаноўленае
незадоўга пасля навяртання імператара Канстансціна і прыняцця Міланскага эдыкта. “Апостальская
адгатратыя, павінна быць прачытана ў святле свята Святога Крыжа (...) У ім адкрываецца
сапраўдная ідэнтычнасць ахрышчаных у Касцёле, пастаянны заклік да сведчання ў еднасці.”,
- сказаў Папа. Паводле яго, еднасць і сведчанне укаранёныя ў Пасхальнай Таямніцы,
смерці і ўваскрасенні Хрыста. “Для хрысціяніна, Узвышэнне Крыжа, азначае бескарыслівую
любоў Бога да людзей у перспектыве ўваскрасення. З’яўляецца актам веры. Узвышэнне
Крыжа вядзе да дзейнасці на карысць братэрскага адзінства ў касцёльнай супольнасці.
Гэта акт надзеі!”, - сказаў Папа.
Бэнэдыкт XVI нагадаў, што члены Сінода Біскупаў
для Блізкага Усходу шмат разважалі над актуальнай сітуацыяй у рэгіёне, аб цяжкасцях
і надзеях хрысціян, якія тут пражываюць. “Увесь Касцёл змог пачуць трывожны вокліч
і зразумець разгублены позірк шматлікіх мужчын і жанчын, якія знаходзяцца ў складанай
чалавечай і матэрыяльнай сітуацыі, якія ў трывозе і страху церпяць прыцісненне і хочуць
наследаваць Хрыста – Таго, Хто дае сэнс іх існаванню – але сустракаюцца з перашкодамі”,
- сказаў Папа.
Бэнэдыкт XVI адзначыў, што ў адгартацыі “Касцёл на Блізкім
Усходзе” утрымліваюцца рэкамендацыі, якія дапамогуць наследаваць Хрыста ў складаным
і часта балючым кантэксце. Паводле Папы дакумент павінен адкрыць магчымасці для сапраўднага
міжрэлігійнага дыялога заснаванага на веры ў Адзінага Бога і Стварыцеля, паспрыяць
духоўнаму і дабрачыннаму экуменізму у праўдзе і евангельскай любові.
Бэнэдыкт
XVI урачыста перадаў адгартацыю блізкаўсходнім іерархам са словамі, якія пачуў ад
Бога імператар Канстанцін “З гэтым знакам – пераможаш!”.