Imzot Frendo: Jezusi nuk na mëson ndonjë filozofi por udhën e jetës
Në pjesën e katërt të bisedës me imzot Frendo, ipeshkvin ndihmës të Tiranë- Durrësit,
mbi Vitin e Fesë, ndalemi te feja në jetën konkrete e të përditshme të njeriut,
te feja si dhuratë e takimit personal me Krishtin. Feja, për të qenë e vërtet duhet
të shndërrohet e të mishërohen në vepra konkrete, që dëshmojnë lidhjen tonë të ngushtë
me Jezu Krishtin, Mësuesitn e Shëlbuesin Hyjnor. Pra nuk mjafton të besosh në
Zotin, duhet dashur vëllezërit e duhet të jetuar një jetë të pastër, duke ecur gjurmëve
të Jezusin në udhën e kryqit. Nuk është besimtar i vërtet kush thotë se ka fe por
nuk i do vëllezërit në mënyrë konkrete dhe nuk e ndjek Jezusin në udhën e kryqit:
kjo është përmbledhtas ajo çka pohon imzot Gjergj Frendo në pjesën e katërt të bisedës
sonë radiofonike mbi Vitin e Fesë. Jezusi nuk ka ardhur për të na mësuar ndonjë
filozofi, por për të na treguar udhën e jetës. Kjo udhë është dashuria, e cila është
shprehje e fesë së vërtetë në Zotin. Nëse ndokush e do të afërmin me zemër të pastër
e me bujari, do të thotë se e njeh më të vërtetë Zotin. Nëse përkundrazi ndokush thotë
se beson në Zotin, por nuk i do vëllezërit, nuk është besimtar i vërtet. Zoti nuk
banon në të. Shën Jakobi pohon në mënyrë të qartë: “Në qoftë se feja nuk i ka veprat,
është e vdekur në vetvete” (Jak 2,17). Po ta dëgjojmë pjesën e 4-të të bisedës
me ipeshkvin imzot Gjergj Frendo........