Апостальская Сталіцы
рашуча асудзіла напад на амерыканскае пасольства ў лівійскай Бенгазі, забойства пасла
ЗША і іншых супрацоўнікаў дыпламатычнага прадстаўніцтва. Аб гэтым паведаміў сёння
кс. Фэдэрыка Ламбардзі, кіраўнік Залы Друку Апостальскай Сталіцы. “Нічога не можа
апраўдаць дзейнасць тэрарыстычных арганізацый і забойчае насілле”, - сказаў езуіт.
Ён адзначыў, што разам з болем, перажываннем і малітвай за ахвяр гэтага трагічнага
нападу, Апостальская Сталіца зноў заклікае міжнародную супольнасць знайсці шляхі для
спрыяння міру ў Лівіі і на Блізкім Усходзе.