Արամ Ա. կաթողիկոս` ընկերակցութեամբ Նարեկ արք. Ալեէմեզեանին եւ գաւազանակիր Մեսրոպ վրդ.
Սարգիսեանին,( կիրակի գիշեր) այցելութիւն մը տուաւ ասորիներու Զագգա Ա. պատրիարքին` Աթշանէի
ասորական վանքին մէջ: Պատրիարքը առողջական նպատակով երկու ամիսէ ի վեր կը գտնուէր Գերմանիա
եւ ապաքինման շրջան մը պիտի անցընէ Լիբանանի մէջ: Վեհափառը իր շուտափոյթ ապաքինման
մաղթանքները ներկայացուց պատրիարքին: Հանդիպումը նաեւ առիթ մը եղաւ ասորի եկեղեցւոյ եպիսկոպոսներու
ներկայութեան, ընդհանուր քննարկումի ենթարկելու հայ եւ ասորի եկեղեցիներու յարաբերութիւնը,
ու յատկապէս Միջին Արեւելքի մէջ քրիստոնեայ համայնքներուն դիմագրաւած դժուարութիւնները: