Наступная Міжнародная
сустрэча за мір пройдзе ў 2013 г. у Рыме. Аб гэтым паведамілі ўдзельнікі сёлетняга
форума ў Сараева, які праходзіў 9-11 верасня. На заканчэнне Міжнароднай сустрэчы,
арганізаванай экуменічнай “Супольнасцю св. Ігідзія” было апублікавана спецыяльнае
пасланне, ў якім змяшчаецца заклік да людзей розных веравызнанняў жыць у міры. “Сусед
не павінен змагацца з суседам толькі з-за таго, што ён належыць да іншай рэлігіі ці
этнічнай групы”, - адзначылі ўдзельнікі форума. Яны падкрэслілі, што сабраліся у Сараеве,
горадзе, які носіць на сябе раны вайны, што прайшла тут 20 гадоў таму. “Гэты жудасны
канфлікт нагадвае ўсім, што вайна з’яўляецца вялікім злом і пакідае пасля сабе вялікія
раны. Трэба ўсімі сіламі імкнуцца, каб не ўвайсці ў спіраль нянавісці, насілля і вайны”,
- адзначаецца ў дакуменце.
Удзельнікі сустрэчы ў Сараева нагадалі аб небяспецы
новых падзелаў сярод народаў з прычыны цяперашняга эканамічнага крызісу. “Сёння, ў
час эканамічнага крызісу, існуе вялікая спакуса, каб скінуць на іншыя народы свае
мінулыя і цяперашнія праблемы. Такім чынам адзін народ становіцца для другога чужым
і адначасова варожым”, - гаворацца ў пасланні.
У дакуменце звяртаецца ўвага
на асаблівую ролю рэлігіі, якая павінна спрыяць добрым адносінам паміж людзьмі. “Рэлігіі
могуць навучыць кожнага чалавека і народы ісці разам шляхам дыялогу, узаемнай павагі,
шанавання свабоды і адметнасцяў”, - адзначылі ўдзельнікі сустрэчы за мір.