Pax Christi: një ditë agjërimi për paqe me rastin e udhëtimit të Papës në Liban.
Një ditë agjërimi për paqe me rastin e udhëtimit të Benediktit XVI në Liban. Kjo është
ftesa e lëvizjes katolike për paqen ‘Pax Christi’, lindur në Francë në vitin 1945,
njofton agjencia Sir. Nisma e lëvizjes Paxi Christi lindi në saje të propozimit që
bëri atë Paolo Dall’Oglio, themelues i manastirin të krishterë në Deir Mar Musa në
Siri, e Rrjeti Trupat Civile të Paqes. “Edhe një ëndërr, sado e vogël e simbolike
të jetë, si dita e agjërimit – lexohet në një deklaratë të lëvizjes Pax Christi të
Italisë – mund të ndihmon të jemi afër tragjedisë së Sirisë”. “Kur gjendesh para dhunës
e nuk ke fjalë tjera të përshtatshme – vijon deklarata – e nuk shihen rrugëdalje nga
kriza, rrezikojmë që para luftës e dhunës të humbim durimin e t’i nënshtrohemi së
keqes. Nuk mund ta imagjinojmë këtë udhëtim si shumë udhëtime në vendet tjera . Prania
e Papës në këtë tokë kaq shumë të munduar prej sa e sa kohëve, shpresojmë të jetë
një tërheqje e vëmendjes për të gjithë e thirrje për t’i thënë përfundimisht jo dhunës.
Ky agjërim i një dite dëshiron të jetë vetëm një thirrje për ndërgjegjen e çdonjërit,
besimtarë e jo besimtarë”. “ Jemi të bindur – përfundon deklarata – se ka shumëçka
tjetër për të bërë për paqen. Kemi provuar të bëjmë duke denoncuar biznesin e madh
të armëve apo duke propozuar reflektime e gjeste konkrete të edukimit në paqe, dialog,
e strategji për t’i thënë jo dhunës”.