Папа прывітаў удзельнікаў форума аб душпастырстве “людзей вуліцы”
Бэнэдыкт XVI прывітаў
удзельнікаў І Кангрэса на тэму душпастырства людзей вуліцы, які пачаўся 11 верасня
ў Дар-эс-Саламе ў Танзаніі па ініцыятыве Папскай рады пастырства мігрантаў і падарожнікаў.
У спецыяльным паведамленні падпісаным кардыналам Дзяржсакратаром Тарчызіо Бэртонэ
адзначаецца, што Папа спадзяецца, што гэта сустрэча паспрыяе каардынацыі намаганняў
і большаму супрацоўніцтву паміж мясцовымі Касцёламі з мэтай абароны кожнага, хто знаходзіцца
ў небяспецы на вуліцах Афрыкі. Пантыфік заклікаў да асаблівай увагі і душпастырскага
клопату аб дзецях і жанчынах, якія знаходзяцца на вуліцы, ахвярах арганізаванай злачыннасці
ў сферы гандлю людзьмі, а таксама да наступстваў сацыяльных, эканамічных і палітычных
фактараў. Папа паджадаў, каб удзельнікі сустрэчы ў Танзаніі паразважалі таксама аб
прыняцці мераў для большай бяспекі мільёнаў афрыканцаў на дарогах.