Ըստ ֆրանսուա Հոլլանտի Հայոց Ցեղասպանութեան Նոր Օրինագիծը Կը Գտնուի Ուսումնասիրման
Փուլի Մէջ։
«Նուվել տ՛Արմենի» կը հաղորդէ, որ Ֆրանսայի նախագահ Ֆրանսուա Հոլլանտ պատասխանած է Արման
Մխիթարեանի, որ նախագահին Հայոց Ցեղասպանութեան ժխտումը քրէականացնող նոր օրինագիծի որդեգրման
խոստումին վերաբերեալ հարցում ուղղած էր) : Հոլլանտ իր նամակին մէջ հաստատած է, որ նոր
օրինագիծը կը գտնուի ուսումնասիրման փուլի մէջ: Ֆրանսայի նախագահի ներկայացուցիչը
մանսաւորաբար գրած է. «Ֆրանսուա Հոլլանտ մտադիր է կատարել Հայոց Ցեղասպանութեան ժխտումը
քրէականացնող օրինագիծին հետ կապուած պարտաւորութիւնը, որ ստանձնած էր նախընտրական արշաւի
ժամանակ, եւ ինչպէս վերջերս յիշեցուցած էր Ֆրանսայի Հայ Համայնքին: «Ինչպէս ծանօթ
է, Սահմանադրական Խորհուրդը գտած էր, որ նախորդ օրինագիծը կը հակասէ սահմանադրութեան:
Ուստի անհրաժեշտ է այնպիսի լուծում մը գտնել որ յիշողութեան պարտքն ու հանրապետութեան
օրէնքները պիտի համաձայնեցնէ, որպէսզի անիկա Սահմանադարական Խորհուրդի կառոյցին կողմէ
քննադատութեան չարժանանայ: Կառավարութիւնը այդ աշխատանքին ձեռնամուխ եղած է»: