Кардынал Рылка на Панафрыканскім кангрэсе: быць сведкамі Хрыста – нялёгкая справа
У Камерунскім Яўндэ
закончыўся Панафрыканскі кангрэс свецкіх вернікаў на тэму “Быць сведкамі Хрыста ў
Афрыцы сёння”. У ім на працягу 5 дзён прымалі удзел каля 250 дэлегатаў з амаль усіх
краін Чорнага кантынента. У форуме удзельнічаў таксама прадстаўнік Апостальскай Сталіцы,
старшыня Папскай рады па справах свецкіх кардынал Станіслаў Рылка. На заканчэнне кангрэса
іерарх адзначыў, што нягледзячы на шматлікія цяжкасці і выклікі Афрыка застаецца “кантынентам
надзеі” з багатым духоўнымі рэсурсамі і моцнай місійнай дынамікай свецкіх вернікаў.
“Быць сведкамі Хрыста ў сэрцы сучаснага свету – нялёгкая справа”, - сказаў кардынал.
Ён падкрэсліў, што гэта заданне патрабуе здольнасці і адвагі ісці супраць плыняў дамінуючых
культурных тэндэнцый. Паводле яго, абавязкам свецкіх вернікаў з’яўляецца будаванне
Валадарства Божага ў свеце ў якім яны жывуць, “гэта значыць у сям’і, на працы, у эканоміцы,
публічным, палітычным і культурным жыцці”.
Кардынал Рылка адзначыў, што евангелізацыя
Афрыкі павінна здзейсняцца ў першую чаргу свецкімі, асабліва ў краінах пакутуючых
ад войнаў, нянавісці і насілля. Ён звярнуў асаблівую увагу на важнасць касцёльных
рухаў і супольнасцяў, а парафіі вобразна назваў “трэніровачнымі заламі хрысціянскага
жыцця”.