10 верасня Бэнэдыкт
XVI прыняў на аўдыенцыі групу калумбійскіх біскупаў, якія прыбылі ў Рым у рамках візіта
“ad limina apostolorum”. У сваёй прамове да іерархаў Папа нагадаў, што гісторыя калумбійскага
народа заўсёды характарызавалася яго глыбокай адднанасцю каталіцкай веры, любоўю да
Эўхарыстыі, вернасцю Панне Марыі і сведчаннем любові з боку шматлікіх пастыраў і свецкіх
вернікаў. Святы Айцец падкрэсліў, што абвяшчэнне Евангелля ў гэтай краіне прынесла
багатыя плёны ў сферы пакліканняў, узнікненні апостальскага руху, а таксама з’яўленні
жывых парафіяльных супольнасцяў. Але ў той жа час, Папа нагадаў аб разбуральных наступствах
распаўсюджвання секулярызацыі, якая моцна паўплывала на разбурэнне сістэмы каштоўнасцяў,
асноваў сям’і, сужэнства і хрысціянскай маралі. “У сувязі з гэтым спрыянне ўмацаванню
інстытута сям’і павінна быць прыярытэтным у душпастрыскай дзейнасці”, - адзначыў Бэнэдыкт
XVI. Ён заклікаў прыкладаць намаганні ў справе абвяшчэння праўды аб сям’і – хатнім
Касцёле і святыні жыцця.
Акрамя таго, Папа звярнуў увагу на неабходнасць унунтранага
абнаўлення Касцёла ў Калумбіі, якое патрэбна для таго, каб ажывіць любоў вернікаў
да Бога. Гэтага магчыма дасягнуць, паводле Святога Айца з дапамогай адукацыі вернікаў,
падтрымцы касцёльных супольнасцяў і шырокага распаўсюджвання Евангелля ў грамадстве.
Бэнэдыкт XVI заклікаў біскупаў клапаціцца аб святарах, дыяканах і кансэкраваных асобах,
якія знаходзяцца пад іх апекай. Ён адзначыў, што іерархі абавязаны быць сведчакамі
адданасці місіі атрыманай ад Хрыста.
Папа не мог абыйсці і праблему насілля,
якая турбуе насельніцтва Калумбіі на працягу доўгіх дзесяцігоддзяў. Святы Айцец адзначыў
што высока цэніць тую місію якую выконваюць мясцовыя душпастыры пасярод цяжкасцяў
і небяспекаў і заклікаў працягваць спрыяць абароне чалавечага жыцця і культуры міру.