Турцыя: хрысціяне і мусульмане аб "арабскай вясне"
8 верасня ў сталіцы
Турцыі, Анкары, завершылася міжнародная канферэнцыя на тэму: “Арабская вясна і мір
на Блізкім Усходзе з мусульманскага і хрысціянскага пункту гледжання”. У мерапрыемстве
прыняў удзел кс. Мігуэль Анджэл з Папскай рады па міжрэлігійным дыялогу. Ён адзначыў,
што першым плёнам “арабскай вясны” стала пераняцце ўлады ў некаторых арабскіх краінах
ісламістамі. “Хаця свабода выбару гэта першы крок да культуры дэмакратыі, аднак не
трэба забываць аб небяспецы, што дэмакратыя можа быць выкарыстана ў спрыянні экстрэмісцкім
і фундаменталісцкім ідэалогіям”, - сказаў прадстаўнік Апостальскай Сталіцы. “Нягледзячы
на першапачатковы аптымізм арабская вясна стала прычынай гвалтаў і з-за гэтага ўзніклі
асцярогі ў тым, што яе мэтай з’яўляецца пераняцце ўлады а не прызнанне годнасці кожнага
чалавека і яго асноўных правоў”, - сказаў святар.
На думку прадстаўніка Апостальскай
Сталіцы арабская вясна – гэта працэс над якім трэба яшчэ працаваць. “Думаю, што гэты
працэс павінен пайсці яшчэ далей і развіваць культуру дэмакратыі”, - сказаў святар
і дадаў, што неабходным для яе з’яўляецца свабода веравызнання, перакананняў і слова.
“Рэлігійная свабода- гэта асноўвае права чалавека. Недапушчальна, каб веруючыя людзі
адмаўляліся ад сябе самых, сваёй веры, каб праз гэта стаць актыўнымі грамадзянамі”,
- падкрэсліў сакратар Папскай рады па міжрэлігійным дыялогу.