“App”-i i parë i Radio Vatikanit për telefonat Android
Radio Vatikani ofron “App”-in e saj të parë për telefonat Android. Me anë të këtij
aplikacioni mund të dëgjohen në celular, në pesë kanale, të gjitha programet e radios
në 40 gjuhë të ndryshme, mund të ndiqen videot në transmetim të drejtpërdrejtë, faqet
e internetit, shërbimet gazetareske, të gjitha në një mjet, që jep mundësi për të
njohur takimet dhe veprimtarinë e përditshme të Papës. “App”-i, krejtësisht falas,
mund të merret nga “market Google Play”, në adresën . Parashikohet që së shpejti,
Radio Vatikani të zbarkojë edhe në platformën për Iphone/Ipad dhe në atë për Windows
Phone. Kujtojmë se Radioja e Papës përbëhet nga një bashkësi ndërkombëtare dhe
shumëkulturore, me personel që vjen nga rreth 60 vende të ndryshme, në shërbim të
Atit të Shenjtë, të Kishës, të popujve e kulturave të ndryshme, të cilave u drejtohemi.
Me pasion të madh për universalitetin e Kishës e me dëshirën e kumtimit të Lajmit
të Mirë të Ungjillit, vemë në dispozicion çdo mjet të shpikur nga njeriu, që komunikimi
të shërbejë për bashkimin ndërmjet personave.