Եւրոխորհուրդի Գլխաւոր Քարտուղար ԵԱԿԼԱՆՏ Կը Մեղադրէ Սաֆարովը "Հերոս Հռչակելը"։ Մարտին
ՇՈՒԼՑ Մտահոգ Սաֆարովի "Ներում Շնորհուելու" Առնչութեամբ։
Եւրոխորհուրդի Գլխաւոր Քարտուղարը Թօրպըեորն Եակլանտ երէկ յայտարարութիւն մը հրապարակելով
անդրադարձած է Ռամիլ Սաֆարովը արտայանձնելու ու անոր ներում շնորհելու հարցին, նշելով
որ սպանութիւնները պէտք չէ փառաբանուին։ ՝՝Անընդունելի է որ սպաննութեան յանցանքով դատապարտեալ
մը հերոս հռչակուի։ Ասիկա այն Եւրոպան չէ զոր պէտք է փափաքինք մեր սերունդներուն համար։
Ես կը դատապարտեմ յանցագործութեան նմանօրինակ փառաբանումը ՝՝ յայտարարած է Եակլանտ։
Միւս կողմէ Եւրոպական Խորհրդարանի Նախագահ Մարտին Շուլց նոյնպէս իր մտահոգութիւնը
յայտնեց ադրբեջանցի ոճրագործ Ռամիլ Սաֆարովի ազատ արձակման և ներում շնորհուելու առնչութեամբ:
Ըստ -ի, Շուլց , մասնաւորապէս, ըսած է .«Դատապարտուած անձերու փոխանցման վերաբերեալ
համաձայնութիւնները պէտք չէ չարաշահիլ քաղաքական նպատակներով: Ես մտահոգուած եմ Ադրբեջանի
նախագահի կողմէ Սաֆարովին քաղաքական նպատակներով ներում շնորհելու փաստով: Միևնոյն
ժամանակ կոչ կ՝ընեմ Ադրբեջանին ու Հայաստանին խուսափելու այնպիսի գործողութիւններէ
, որոնք կրնան բերել իրավիճակի առաւել վատթարացում »: