Кіпр: біскупы Еўропы абмяркоўваюць сацыяльнае адзінства кантынента
3-5 верасня ў сталіцы
Кіпра, Нікасіі, па ініцыятыве Рады епіскапатаў Еўропы праходзіць сустрэча на тэму:
“Сацыяльнае адзінства ў Еўропе: прапановы Касцёла”. У ёй прымаюць удзел адказнныя
за сацыяльныя пытанні пры 33 еўрапейкіх епіскапатах. На думку італьянскага біскупа
Джампаўло Крэпальдзі, старшыні Камісіі па сацыяльных пытаннях пры Радзе еўрапейскіх
епіскапатаў, гэта тэма з’яўляецца актуальнай у кантэксце крызіса, які перажывае Стары
кантынент. Паводле іерарха, крызіс справакаваў індывідуалістычныя і эгаістычныя тэндэнцыі,
што прывяло да разбурэння адзінства паміж краінамі. Прапанова Касцёла, паводле яго,
заключаецца тым, каб нягледзячы на цяжкасці у эканоміцы ўмацаваць салідарнасць паміж
людзьмі і народамі Еўропы. “Касцёл павінен несці да ўсіх гэта пасланне, якое з’яўляецца
крыніцай сацыяльнага адзінства”, - сказаў біскуп.
Генеральны сакратар Рады
Канферэнцыі Біскупаў Еўропы кс. прэлат Дуартэ да Кунга нагадаў, што Каталіцкі Касцёл
неаднаразова звяртаў увагу на анпрапалагічныя крыніцы сучаснага эканамічнага крызісу,
якія заключаюцца ў крызісе даверу, этыкі і каштоўнасцяў. “Таму сёння Касцёл пакліканы
сваім словам і ўчынкамі паказаць, што толькі любоў, сведчанне якой даў Хрыстус, з’яўляецца
сапраўдным сродкам ад крызісу”, - адзначыў кс. прэлат Да Кунга.
У рамках форума,
яго ўдзельнікі сустрэнуцца з прэзідэнтам Кіпра, архіепіскапам Кіпра Хрызастомам ІІ
і іншымі праваслаўнымі іерархамі, наведаюць важныя для хрысціян месцы на гэтым востраве.