Treditëshi i festës të së Lumes Nënë Terezë në Prishtinë
Në Prishtinë filloi treditëshi për festen liturgjike të Kishës katolike të së Lumes
Nënë Terezë, që do të kremtohet të mërkurën me 5 shtator në Katedralen e kryeqytetit
të Kosovës. Më hollësisht nga Prishtina të ndjekim shërbimin e Rabie Ibrajt.........
Në Meshën
e së dielës së kaluar, famullitari i bashkësisë Kishtare të ‘Shëna Ndout’ në Prishtinës
don Rrokë Gjon Lleshaj bëri të ditur se ka filluar treditëshi i kremtimeve e aktivitete
shpirtërore, kushtuar së Lumes Nënë Terezë, si përgatitje për Festën e madhe
liturgjike, e cila kremtohet kètë të mërkurë me 5 shtator në Katedralen e Prishtinës
që bartë emrin e Shenjtës shqiptare. Në këtë festë do të kremtohet Mesha solemne
dhe janë në program takime të ndryshme, ku kujdes i veçantë do t’u kushtohet fëmijëve,
pleqve dhe të rinjve.
Po të dielën, Mesha e mbrëmjes iu dedikua fëmijëve
që për herë të parë nisin rrugëtimin e dijes dhe nxënësit e tjerë në fillim të këtij
viti shkollor, i cili ka nisur më 3 shtator. Me këtë rast Vikari i Përgjithshëm i
Kishës së Kosovës, don Lush Gjergji, i bekoi nxënësit me librat e pajisje tjera shkollore.
Ai iu lut të Lumes Nënë Terezë për ndërmjetësim tek Zoti për shëndetin e fëmijëve
dhe suksese e mbarësi gjatë vitit të ri shkollor.
Më 3 shtator, Mesha
e mbrëmjes në Kishën e ‘Shëna Ndout’ në Prishtinë, iu kushtua të sëmurëve dhe pleqve. Më
4 shtator në Katedralen ‘ Nëna Terezë’, mbahet takimi i rinisë nga të gjitha famullitë
kishtare të Kosovës e me këtë rast kremtohet edhe Eukaristia e Shenjtë. Pas Meshës
në orën 20,00 në sheshin qendror të Prishtinës që mban emrin e të Lumes ‘Nëna Terezë’,
tek shtatorja e saj, do të ndezën qirinj, do të mbahen lutje e dhe këngë për nderim
të saj. Më pas të rinjtë serish do të kthehen në Katedrale për një çast përshpirtërie
në adhurimin e të Shenjtueshmin Sakrament të Eukaristisë.
Kulmi i festës
të së Lumes Nënë Terezë në Katedrale të Prishtinës, do të jetë të mërkurën më 5
shtator para dite në ora 11.00 me kremtimin e Meshës solemne të cilën do ta kryesojë
ipeshkvi i Kosovës imzot Dodë Gjergji. nga Prishtina njofton Rabie Ibraj