Kardinal Tetamanci për Karlo Maria Martinin: vështrimi i tij, largpamës
“Ne të kemi dashur për buzëqeshjen e për fjalën tënde, për përkuljen para brishtësisë
sonë e për vështrimin largpamës, për fenë tënde në ditët e gëzimit e në ato të dhimbjes,
për artin që kishe kur i dëgjoje dhe u jepje shpresë të gjithëve”. Kështu tha kardinali
Dionigji Tetamanci, ish-kryeipeshkëv i Milanos, në fund të funeralit për kardinalin
Karlo Maria Martini. Ai kujtoi se është shuguruar nga vetë kardinali, i cili ka
qenë pikë referimi për interpretimin e Shkrimit Shenjt, për të reflektuar mbi kohën
e sotme e për të ëndërruar të ardhmen, duke përvijuar shtigjet e misionit ungjillëzues
të Kishës. Kur më dorëzoi shkopin e ipeshkvit, kujtoi kardinali Tetamanci, më tha
“do ta shohësh sa i rëndë është”. Në fund të fjalës së tij, kardinali Tetamanci u
duartrokit gjatë nga besimtarët e pranishëm në katedrale.