Бэнэдыкт XVI прывітаў
і ўдзяліў благаслаўленне ўдзельнікам хрысціянскай моладзевай сустрэчы “Genfest”, якая
з 31 жніўня па 2 верасня праходзіць у Будапешце па ініцыятыве руху “Факаляры”. У тэлеграме
скіраванай за подпісам кардынала Дзяржсакратара Тарцызіо Бэртонэ адзначаецца, што
Святы Айцец, “лічыць гэты горад, на ўсіх яго рознях, яскравым сімвалам, памкненняў,
якія носяць у сябе шматлікія маладыя людзі, што сабраліся, каб паўдзельнічаць у падзеі
пад назвай “Будаваць масты братэрства”. “Многія масты, які ляжаць над Дунаем і злучаюць
два старажытных паселішча – Буду і Пешт і робяць з іх адно, былі разбураны падчас
ІІ Сусветнай вайны. Аднак, з попелу гэтага жудаснага канфлікту нарадзілася рашэнне
будаваць мір на трывалым фундаменце, рашэнне, якое стала натхненнем для заснавання
руху “Факаляраў”. Масты Дуная былі адбудаваны зноў, а міжнародная супольнасць пастанавіла
знішчыць, адзін раз і назаўсёды, усе ўмовы, якія б маглі прывесці да яшчэ аднаго канфлікта
ў будучыні”, - гаворыцца ў пасланні.
Адзначаецца, што “ў той час, як Будапешт,
разам з большай часткай Усходняй Еўропы працягваў пакутаваць пад ціскам таталітарнага
рэжыму, таксама і тут узнікалі новыя магчымасці для свабоды і братэрскай салідарнасці
пасля заканчэння халоднай вайны”. “Жадаю, каб гэты цудоўны горад стал знакам надзеі
і натхнення для ўсёй сабранай моладзі, каб працягнуць руку сяброўства тым, хто паходзіць
з іншых кантынентаў і культур і такім чынам “надаць кшталт еднасці i спакою гораду
чалавека, робячы яго ў пэўнай ступені прадвесцем Божага горада без межаў”, - гаворыцца
Папы.