29 жніўня ў славацкім
Трнаве пачаўся VII Еўрапейскі сямейны кангрэс. Яго арганізатары – славацкае аддзяленне
Міжнароднай канфедэрацыі рухаў хрысціянскіх сем’яў, епіскапат гэтай краіны і Трнаўская
архідыяцэзія. Сярод удзельнікаў форума душпастыры, псіхолагі, сацыолагі, бацькі з
Славакіі, Чэхіі, Польшчы, Францыі, Іспаніі, Італіі і іншых краін, якія на працягу
некалькіх дзён будуць дзяліцца сваім вопытам, ведамі і кампетэнцыямі на тэму “Культура
і маральныя каштоўнасці сям’і ў глабалізаваным грамадстве”.
Мэта сустрэчы заключаецца
ў тым, каб сумесна паразважаць аб эвалюцыі, сучасным разуменні і новых задачах, якія
стаяць перад сям’ёй ў зменлівым культурным, маральным і этычным кантэксце. Удзельнікі
форума пагавораць аб значэнні фундаментальных сямейных каштоўнасцяў, уплыве СМІ і
эканамічнага крызіса на сям’ю, а таксама праблемах звязаных з алкаголем, наркотыкамі
і іншымі залежнасцямі.