Святы Пасад абвяргае чуткі аб новых абвінавачаных у справе “vatileaks”
Навіна аб тым, што
падчас раследвання справы аб крадзяжу ватыканскіх дакументаў было ўстаноўлена каля
20 падазраваных, не мае пад сабой ніякіх фундаментаў. Аб гэтым 29 жніўня ў размове
з журналістамі паведаміў віцэ-кіраўнік Залы Друку Апостальскай Сталіцы кс. Чыра Бэнэдэцціні.
Такім чынам святар пракаментаваў з’яўленне у некаторых італьянскіх СМІ інфармацыі
аб нібыта “падрабязнасцях” раследвання справы “vatileaks”. Непраўдзівая інфармацыя
была распаўсюджана на працягу апошніх некалькіх дзён.