Dita e OKB-së kundër provave bërthamore. Në Kazakistan, Forumi Botëror, me pjesëmarrjen
e më se 50 kombeve
Në Ditën e sotme, themeluar nga OKB-ja kundër provave të armëve bërthamore, filloi
punimet edhe Konferenca ndërkombëtare, organizuar në Kazakistan, me temë: “Nga ndalimi
i provave, tek një botë pa armë bërthamore”. Pas vizitës së djeshme në zonën e eksperimenteve
ruse, në veri lindje, e pikërisht në Semeipalatinsk, sot, në Astana u mblodhën 175
pjesëmarrësit e Forumit. Iniciator i Ditës së OKB-së për ndalimin e armëve bërthamore
ishte Kazakistani, që vijon të vuajë nga pasojat tragjike të eksperimeteve ruse në
veri-lindje. Prej këndej, e shikon me impenjim e shpresë diskutimin ndërkombëtar mbi
këtë problem kaq të mprehtë për mbarë njerëzimin. Këtë nënvizoi presidenti Nazarbajev.
Të pranishëm, edhe disa njerëz, shumica invalidë, që shpëtuan gjallë, pasi përballuan
pasojat e provave bërthamore. Ishin aty për të dëshmuar, për t’i treguar botës historinë
e sëmundjeve dhe të vuajtjeve, që u detyruan të përballojnë. “Kurrë më tmerre të tilla”-
ishte fjala e ditës për parlamentarët e Organizatës ndërkombëtare, ardhur nga 50 vende
të botës, shumica në favor të çarmatosjes së plotë, universale e globale.