Աշխարհի Մեծագոյն Խաչը Տեղադրուած Է Սեւաստափոլի Եկեղեցւոյ Վրա:
Աշխարհի մեծագոյն խաչը, որ ունի 7.5 մեթր բարձրութիւն եւ 24 թոն կը կշռէ, տեղադրուած
է Սեւաստափոլի` Խրիմի պատերազմի գերեզման-յուշահամալիրի Ս. Նիկողայոս եկեղեցւոյ վրայ: Խաչը
պատրաստած են Ռուսիոյ Եքաթերինպուրկ քաղաքի վարպետները: Անիկա կը հանդիսանայ եկեղեցւոյ
մէկուկէս դար առաջ տեղադրուած խաչին կրկնօրինակը: Երկու տարի առաջ հին կառոյցը վերցուած
էր: Ռուսական «Ինթըրֆաքս» լրատու գործակալութիւնը կը հաղորդէ, որ խաչի տեղադրման համար
27 թոն ծանրութեան համար նախատեսուած կռունկ օգտագործուած է: Նախորդ խաչը տեղադրուած
էր 1864-ին, սակայն հնութեան պատճառով կոտրուած էր: Զայն հանած են եւ տեղափոխած գերեզմանոցի
տարածք, իսկ եկեղեցւոյ գմբէթին ժամանակաւոր մետաղեայ խաչ տեղադրուած է: Նշենք, որ
այս տարի Ս. Նիկողայոս եկեղեցի-յուշարձանի 155-ամեակն է: