Кардынал Майснер: Брацтва св. Пія Х павінна поўнасцю прызнаць ІІ Ватыканскі Сабор
Кардынал Ёахім Майснер,
арцыбіскуп Кёльнскі на сваім сайце напісаў, што Брацтва св. Пія Х павінна цалкам прызнаць
аўтарытэт Папы і рашэнні ІІ Ватыканскага Сабора, у тым ліку дэкларацыю аб рэлігійнай
свабодзе, аб адносінах да яўрэяў, а таксама цяперашнюю форму літургіі. На думку іерарха,
чарговай ўмовай вяртання лефеврыстаў у супольнасць Каталіцкага Касцёла з’яўляецца
прызнанне беспамылкоасц Папы. “Галоўнае заданне Святога Айца- гэта служэнне адзінству,
такім чынам, таксама і імкненне да таго, каб Брацтва св. Пія Х вярнулася да супольнасці
Касцёла”, - адзначыў іерарх.
Кардынал Майснер падкрэсліў, што Пантыфік стаў
наступнікам св. Пятра дзеля таго, каб клапаціцца пра адзінства Касцёла і аднаўляць
яго там, дзе яно парушана. Арцыбіскуп Кёльнскі адзначыў, што Бэнэдыкт ХVI неаднаразова
выказваў павагу да юдаізма, таксама часта гаварыў аб важнасці дыялогу паміж хрысціянамі
і яўрэямі. “Выяўленнем гэтага быў візіт Святога Айца ў сінагогу падчас Сусветных
Дзён Моладзі ў Кёльне ў 2005 г. , калі Пантыфік нагадаў словы бл. Яна Паўла ІІ пра
тое, што той, хто сустракае Езуса, сустракае юдаізм”, - адзначыў на сваім сайце кардынал
Майснер.