ЗША: свецкія вернікі заняліся фінансаваннем каталіцкай адукацыі

Адказнасць за фінансаванне каталіцкіх вышэйшых навучальных ўстановаў у штаце Філадэльфія ў ЗША, узяў на сябе спецыяльны прыватны фонд, які стварылі свецкія вернікі, паведамляе сённяшняя “L’Osservatore Romano”. Гэта рашэнне ўжо было названа “гістарычным” у сувязі з тым, што зараз сістэма каталіцкай адукацыі ў гэтай краіне перажывае цяжкасці звязаныя з невялікім фінансаваннем і павялічэннем коштаў. З мэтай эфектыўнага бізнес-кіравання гэтай сферай, свецкія вернікі – бізнесмены і эканамісты, стварылі спецыяльны фонд “Faith in Future Foundation”. З яго дапамогай яны будуць збіраць сродкі неабходныя для эфектыўнай працы 17 вышэйшых навучальных устаноў і 4 прафесійных, у якіх навучаецца каля 15 тыс. студэнтаў.

Паводле стваральнікаў фонда, “існуе патрэба ў падтрымцы і дапамозе з боку прыватных асобаў, а таксама грамадства, ў збору сродкаў для таго, каб паменшыць кошты каталіцкай адукацыі”. Фонд “Faith in Future Foundation” заахвочвае грамадзян штата ахвяраваць грошы на гэту важную для будучыні усяго грамадства сферу.