Вялікабрытанія: Касцёл рыхтуецца да Паралімпійскіх гульняў
“Паралімпійскія гульні
даюць магчымасць прызнання каштоўнасці патэнцыялу ўсіх людзей для грамадства”, - адзначылі
прадстаўнікі Канферэнцыя Біскупаў Англіі і Уэльса, у сувязі з маючымі пачацца 29 жніўня
спаборніцтвамі паміж людзьмі з абмежаванымі магчымасцямі. Паводле Крысціны Ганджэмі,
супрацоўніцы аддзела англійскага епіскапата па справах людзей з інваліднасцямі, паралімпіяда
з’яўляецца “унікальным прыкладам веры ў дзеянні і месцам дзе ўсе імкнуцца паказаць
свае найлепшыя здольнасці”. Яна адзначыла, што да Паралімпіяды трэба адносіцца з такім
жа энтузіязмам і ўвагай, як і да Алімпійскіх гульняў, якія нядаўна праходзілі ў Лондане.
Крысціна Ганджэмі падкрэсліла, што часта Паралімпійскія гульні прыпадносяць шмат сурпрызаў,
бо іх удзельнікі рыхтуюцца асабліва ўпарта і змагаюцца, дэманструючы такія самыя ўзлёты
і падзенні, як і алімпійскія канкурэнты. У сваю чаргу Джэймс Паркер, адказны за
каардынацыю Алімпійскій гульняў 2012 г. пры Канферэнцыі Біскупаў Англіі і Уэльса заявіў,
што 8 верасня у катэдры ў Соўтварку адбудзецца св. Імша з нагоды заканчэння Паралімпіяды.
“Мы спадзяемся, што ў св. Імшы прымуць удзел спартсмены-паралімпійцы, якія ўдзельнічалі
ў гэтых гульнях, а таксама папярэдніх, католікі і хрысціне іншых веравызнанняў, а
таксама вернікі іншых рэлігій ці атэісты”,- адзначыў Паркер.