Бэнэдыкт XVI: Унебаўзяцце Панны Марыі паказвае, што ў Бога ёсць месца для чалавека
15 жніўня, ва ўрачыстасць
Унебаўзяцця Найсвяцейшай Панны Марыі Бэнэдыкт XVI узначаліў св. Імшу ў касцёле
св. Тамаша з Віланова ў Кастэль Гандольфа. Пантыфік нагадаў, што Унебаўзяцце Панны
Марыі падцвярджае, што ў Бога заўсёды ёсць месца для чалавека. “Марыя, яднаючыся з
Богам , не аддаляецца, не сягае ў невядомыя галактыкі, але ідзе да Бога, і такім чынам
становіцца блізкай да кожнага з нас”, - сказаў Бэнэдыкт XVI. “Марыя, упоўні паяднаная
з Богам, мае такое вялікае сэрца, што ўсё Стварэнне можа заключыць у яго. Воты ў розных
частках свету, гэта падцвяджаюць”, - адзначыў Пантыфік. Святы Айцец звярнуў увагу
таксама і на іншы аспект: не толькі ў Бога ёсць месца для чалавека, але і ў чалавеку
ёсць месца для Бога. “У нас ёсць месца для Бога і гэта Божая прысутнасць ў нас з’яўляецца
неабходнай, каб асвятляць свет у яго смутку і праблемах. Гэта прысутнасць рэалізуецца
ў веры: у веры мы адкрываем дзверы нашага “я”, такім чынам, каб Бог увайшоў у нас
і стал сілай, якая дае жыццё і паказвае нам шлях”, - сказаў Папа.
Бэнэдыкт
XVI звярнуў увагу на тое, што сёння шмат гаворыцца аб будучыні, якая абавязкова павінна
быць лепшай. “Калі гэта будзе і ці сапраўды будучы свет будзе лепшым, мы не ведаем,
і я не ведаю таксама. Але упэўнены, што калі свет будзе аддаляцца ад Бога, то стане
горшым, а не лепшым. Толькі прысутнасць Бога можа гарантаваць надыход добрага свету”,
- падкрэсліў Папа.
Бэнэдыкт XVI адзначыў, што сённяшняя урачыстаць нагадвае
ўсім, што Бог нас чакае і калі мы дасягнем іншага свету, там сустрэнем дабрыню Маці,
нашых бліжніх і Вечную Любоў. Святы Айцец заклікаў даверыцца Панне Марыі, каб яна
прывяла да Пана, ўмацавала веру ў вечнае жыццё і дапамагла добра пражыць той час,
які Бог нам даверыў на зямлі.