Алімпійскія гульні: сведчанне веры перад аб’етывамі тэлекамер
Адным з фенаменаў
Алімпійскіх гульняў у Лондане стала вялікая колькасць выпадкаў сведчання веры з боку
спартсменаў: ад простага ўчынення знаку крыжа да публічных малітваў і падзякаў Богу.
Напэўна самымі памятнымі момантамі сталі малітвы эфіопскай бягунні на доўгіяй дыстанцыі
Мэресэт Дэфар і ірландскай баксёршы Кэці Тэйлар. Першая заваявала алімпійскае золата
ў бегу на 5000 м. Адразу пасля фінішу яна, поўная ўдзячнасці і радасці ўзнесла малітву
да Бога, дэманструючы перад тэлекамерамі выяву Панны Марыі і Езуса. Кэці Тэйлар –
пратэстантка-пяцідзесятніца, таксама свае першыя словы падзякі за перамогу ў турніры
скіравала да Бога.
На думку капелана брытанскіх Узброеных сіл, біскупа Рычарда
Моса, гэта сведчыць аб тым, што “невялікае публічнае сведчанне аб веры не з’яўляецца
шкодным”, як часта мяркуюць у сучасных грамадствах. Акрамя таго, на думку іерарха,
гэта яшчэ раз падцвярджае, што вера – не толькі асабістая справа, але аб ёй неабходна
сведчыць перад людзьмі, выкарыстоўваючы розныя магчымасці. Таксама біскуп Мос звярнуў
увагу на тое, што за апошнія два тыдні Алімпійскіх гульняў Лондан ператварыўся ў зусім
іншы горад, у параўнанні з тым, якім быў 12 месяцаў таму – падчас гвалтоўных беспарадкаў,
сведкам якіх стаў увесь свет.
Іерарх выказаў падзяку ўсім удзельнікам Алімпійскіх
гульняў за іх адважнае сведчанне веры, сяброўства і павагу адзін да аднаго, што будзе
карысцю асабліва для маладога пакалення і альтэрнатывай дамінуючай сёння культуры.