“L’Osservatore Romano” пра юбілей у супольнасці з Тэзэ
На першы погляд вельмі
непрыкметны касцёл экуменічнай супольнаці ў маленькай вёсцы французскай Бургундыі,
так жа не адразу заўважальны, як і крокі людзей да згоды. Так піша пра юбілей асвячэння
храма ў Тэзэ выйшаўшая з заўтрашняй датай “L’Osservatore Romano”. Гэта было 50 гадоў
таму. Цяпер ля касцёла пакоіцца заснавальнік супольнасці, забіты ў 90-гадовым узросце,
брат Ражэ.Ватыканская газета нагадвае, што ініцыятыва ўзнікла ў 1958 г., праз 13 гадоў
пасля заканчэння ІІ Сусветнай вайны, як адказ на заклік аднаго берлінскага адваката
Лотара Крэйсіга да ўзвядзення ў краінах пацярпелых ад вайны сімвалічных “знакаў узнагароды”
Богу. На яе адгукнуўся брат Ражэ, які марыў стварыць цэнтр згоды паміж усімі хрысціянскімі
традыцыямі. Заснаваная ім супольнасць, якая адзначалася гасціннасцю і экуменічным
сяброўствам, хутка заваявала сэрцы хрысціян.
З нагоды 70-годдзя супольнасці
ў Тэзэ і 5-годдзя смерці яе заснавальніка, некалькі гадоў таму, Бэнэдыкт XVI напісаў
у сваім спецыяльным звароце, што брат Ражэ даў сведчанне “экуменізму святасці”. “Ён
стаў промнем на цяжкім шляху да адзінства вучняў Хрыста”, яго супольнасць – дапамогай
маладым людзям усталяваць асабістыя адносіны з Богам.