Աստուածածնայ Վերափոխման Տօնին Առթիւ, ֆրանսական France 2 Պատկերասփիւռէն, Արեւելեան
Չորս Եկեղեցիներու Հոգեւորականներ Տաղեր Կ'երգեն, Ի Պատիւ Ամենասուրբ Կոյս Մարիամին։
Չորեքշաբթի 15 օգոստոսին Ս. Աստուածածնայ Վերափոխման տօնին առթիւ` France 2 Պատկերասփիւռը
հրաւիրած է չորս հոգեւորականներ` հայ, մելքիթ, մարոնի եւ յոյն կաթողիկէ ուկրային մը,
տաղեր երգելու՝ ի պատիւ Տիրամօր, եւ միաժամանակ անոնցմէ խնդրուած է որ դիտողներուն պարզեն
տօնին նշանակութիւնը ու անոր հայող աւանդութիւնները։ Գերյարգելի Գէորգ Ծ. Վրդ. Ասատուրեան`
Փարիզի հայ կաթողիկէ ժողովրդապետը հեռուստատեսիլէն պիտի ներկայացնէ Վերափոխման տօնին
նշանակութիւնն ու աւանդութիւնը Հայոց մօտ, միաժամանակ ան Տիրամօր ի պատիւ տաղ մը պիտի
երգէ։