Ватыканскія архівы і бібліятэка - скраб і імпульс для будучыні
Народ, які губляе
сваю гістарычную памяць падвяргаецца небяспечнай амнезіі і аддаляецца ад магчымасці
рухацца ў накірунку будучыні. Таму “Апостальская Бібліятэка і Ватыканскі Сакрэтны
Архіў можна лічыць каштоўнымі аздобамі на кароне Касцёла”. У гэтым упэўнены арцыбіскуп
Жан-Луі Бруге, 26 чэрвеня прызначаны Бэнэдыктам XVI Архівістам і Бібліятэкарам Святога
Рымскага Касцёла. “Я захоўваю фундаментальную памяць для таго, каб на моцным фундаменце
будаваць будучыню”, - адзначыў у інтэрв’ю “L’Osservatore Romano” былы сакратар Кангрэгацыі
Каталіцкай Адукацыі. Ён падкрэсліў, што гэтым установам даверана не толькі захаванне
старажытнай ідэнтычнасці Касцёла, але таксама і імпульс для яго развіцця і менавіта
таму, калі гаворка ідзе аб Апостальскай Бібліятэцы і Ватыканскім Сакрэтным Архіве,
можна казаць аб сапраўдных каштоўных скарбах.
Арцыбіскуп Бруге расказаў, што
з 1550 г., часу калі была ўстаноўлена пасада Архівіста і Бібліятэкара Святога Рымскага
Касцёла, ён з’ўяляецца 47-м іерархам, які быў на яе прызначаны. На працягу гісторыі
большасць з кіраўнікоў гэтых устаноў Святога Пасаду былі італьянцамі, але таксама
былі англічане, немцы, аўстрыйцы, іспанцы і тры французы. Арцыбіскуп Бруге – стаў
чацвёртым, змяніўшы іншага французскага іерарха і дыпламата кардынала Жана Луі Тарана.
Арцыбіскуп
Бруге падзяліўся, што калі Папа прызначаў яго на пасаду Архівіста і Бібліятэкара Святога
Рымскага Касцёла, ён сказаў, што сам заўсёды марыў аб тым, каб займаць гэту пасаду.