Պրազիլի Եկեղեցին Կը Պատրաստուի 2013-ի Երիտասարդութեան Համաշխարհային Օրուան։
Աւելի քան 50 հազար երիտասարդներ մասնակցած են ''Ճանապարհը պատրաստել'' եռօրեայ աղօթքին։ Յառաջիկայ
յուլիսին՝ 2013ին, Ռիօ տէ Ժանէյրօ քաղաքին մէջ տեղի պիտի ունենայ երիտասարդութեան համաշխարհային
օրը։ Ի պատրաստութիւն այդ միջազգային օրուան Պրազիլի եկեղեցին ձեռնարկած է յայտագիր մը
''Աւետարանութեան մեծ պահը'' անունով, որ ունեցաւ որպէս յայտագիր խորհրդածութեան, աղօթքի
ու երաժշտութեան եռօրեայ մը։ Կազմակերպիչներու համար այդ եռօրեան հանդիսացաւ կրկնութիւն
մը 2013-ի երիտասարդութեան համաշխարհային օրուան։ Եռօրեան սկսաւ ս. պատարագով, որուն
մասնակցեցան (ինչպէս ըսինք) աւելի քան 50 հազար երիտասարդներ։ Ծիսակատարութիւնը գլխաւորեց
Պրազիլի մօտ առաքելական դեսպանը՝ գերապայծառ Ճիովաննի տ'Անիէլլօ-ն։