Чэхія: 40 дзеячоў культуры за рэстытуцыю касцёльнай маёмасці
Каля 40 чэшскіх дзеячоў
культуры і мастацтва, у тым ліку ўдава былога прэзідэнта краіны Вацлава Гаўла, актрыса
Дагмар Гаўлава, падпісалі петыцыю ў падтрымку законапраекта аб вяртанні ўласнасці
рэлігійным арганізацыям. Яны напісалі, што рэстытуцыя часткова выправіць шкоды, прычыненыя
Цэрквам з боку камуністычнага рэжыму, які канфіскаваў іх маёмасць незаконна. Аўтары
выказваюць спадзяванне, што гэта пытанне не стане “палітычнай і ідэалагічнай зброяй”
на маючых адбыцца ў кастрычніку выбарах у рэгіянальныя сходы.
Палата дэпутатаў,
ніжняя палата парламента, прыняла 14 ліпеня, пасля больш чым 20-гадовай дыскусіі,
законапраект адносна вяртання маёмасці 17-ці Цэрквам, з якіх Каталіцкі Касцёл з’яўляецца
самым буйным.
Цэрквам павінны быць звернуты землі і нерухомасці на суму 75
млрд. крон. Яны павінны атрымаць на працягу наступных 30 гадоў таксама 59 млрд. крон
фінансавай кампенсацыі за нявернутую ўласнасць. Згодна з законапраектам, дзяржава
павінна паступова спыніць фінансаванне рэлігійных арганізацый. Пераходны перыяд будзе
доўжыцца 17 гадоў.
Пасля прыняцця ніжняй палатай, законапраект накіраваны ў
Сенат. Аднак, як чакаецца, вышэйшая палата, у якой дамінуюць левыя, накіруе дакумент
на дапрацоўку.
Аўтары петыцыі лічаць, што новы закон дазволіў бы грамадзян
вызваліць ад падаткаў на Цэрквы, а рэлігійным арганізацыям самастойна кіраваць сваёй
маёмасцю.